ციცინო მასწავლებლის ბლოგი: კომპლექსური დავალება მათემატიკაში

მიმართულება: რიცხვები სასწავლო თემა:

სამიზნე ცნება: რიცხვები და თანრიგები

მაკრო ცნება:

კლასი: მე-2 დრო: 2 კვირა

რიცხვები 1დან 100-მდე 1. ათეულები 2 ათეულების შეკრება 3. ათეულების გამოკლება 4. უახლოესი ათეულები და ოცეულები 5.რიცხვები 21 დან-30მდე 6. რიცხვები 30 დან -100მდე 7. რიცხვების შედარება 8. უახლოესი ათეულები, ოცეულები და ხუთეულები 9.რაოდენობის შეფასება

საკვანძო კითხვა: • შეიძლება თუ არ წითელქუდას დასჭირდეს რიცხვების ცოდნა ბოქლომის გახსნასა და პრობლემის გადაჭაში? • რაში შეიძლება დაგვჭირდეს 1-დან 100-მდე რიცხვების ცოდნა?

დავალების პირობა:

დავეხმაროთ წითელქუდას

რიცხვები 1დან 100-მდე II - math.ge ყველამ კარგად იცით ზღაპარი „წითელქუდა“. მოდი ჩვენც მოვიფიქროთ მსგავსი:

მგელმა წითელქუდას ბებია გამოკეტა სახლში და ბოქლომი დაადო, რომლის გახსნასაც რიცხვების გამოცნობა სჭირდება. ბებიასკენ მიმავალ წითელქუდას გზად ფერია შეხვდა, რომელსაც წითელქუდამ დამხარება სთხოვა. ფერიას შეუძლია მხოლოდ მინიშნებები მისცეს წითელქუდას, რათა მან ბოქლომის გასაღებად საჭირო რიცხვების გამოცნობა შეძლოსს. დაეხმარე წითელქუდას.

ü პირველი მინიშნება: „ჯადოსნური კვადრატი“ - შეავსეთ კვადრატი, ისე რომ ყველა სვეტის, სტრიქონის და დიაგონალის ჯამი იყოს 18-ის ტოლი. უნდა დაიმახსოვრო შუა უჯრაში ჩაწერილი რიცხვი.

7		3

		5

ü მეორე მინიშნება: ყველა დავალება შეასრულე, იპოვე მიღებული რიცხვებიდან უმცირესი და დაიმახსოვრე.

Text Box: 1) თორნიკე 36კგ-ს იწონის, გიორგი მასზე 9კგ-ით მსუბუქია. ლაშა კი გიორგიზე 10კგ-ით მძიმეა. რამდენი ათეულია მათი საერთო მასა?

Text Box: 2). დაწერე ყველა რიცხვი 50-დან 25-მდე, ამ რიცხვების ჩათვლით. შემდეგ გადახაზეთ ზოგი რიცხვი ისე, რომ დარჩენილთაგან ყოველი რიცხვი იყოს წინაზე 5-ით ნაკლები

Text Box: 3). თუ ერთნიშნა რიცხვს, მარცხნიდან მივუწერთ ციფრს 5. რამდენით გაიზრდება თავდაპირველი რიცხვი?

Text Box: 4). რომელი უფრო მეტია და რამდენით, 60-დან 80-ის ჩათვლით კენტი თუ ლუწი რიცხვების რაოდენობა?

Text Box: 5). თუ, 83-ის უახლოეს ხუთეულს გამოაკლებ 35-ის უახლოეს ათეულს და 32-ის უახლოეს ოცეულს, მიიღებ?

Text Box: 6). დაწერე ყველა ის ორნიშნა რიცხვი, რომლის ციფრთა ჯამი არის 17. იპოვე მათ შორის სხვაობა.

მესამე მინიშნება:

Arrow: Up: -30 Arrow: Down: ? Arrow: Down: -10 Arrow: Left: +20 Arrow: Left: -? Arrow: Right: +? Arrow: Right: +30 Arrow: Down: +50 Arrow: Left: +? Arrow: Left: +30

იპოვეთ, მოცემულ სქემაზე რიცხვები, ასევე უდიდეს რიცხვსა და უმცირეს რიცხვს შორის სხვაობა. რამდენი ათეულია მიღებულ რიცხვში? დაიმახსოვრე ეს რიცხვი.

ამ დავალებების შესრულების შემდეგ, დაწერე პატარა მოთხრობა და წარმოადგინე, თუ როგორ დაეხმარე წითელქუდას. მოთხრობის დაწერისას შეგიძლია დაიხმარო ნახატი. დავალება წარმოადგინე დიდი ფორმატის ფურცელზე

უპასუხე კითხვებს:

• იმსჯელე, როგორ შეავსე „ჯადოსნური კვადრატი და რა იყო ამოსაცნობი ციფრი?

• რომელი მათემატიკური ოპერაციების შესრულება დაგჭირდა?

• იმსჯელე, როგორ მოძებნე რიცხვების უახლოესი ხუთეული, ათეული, ოცეული.

• იმსჯელე, მესამე მინიშნებაში შესასრულებელი დავალების შესრულების სტრატეგიაზე.

• საბოლოოდ, რომელი ციფრებისგან შედგებოდა ბოქლომის კოდი?

პრეზენტაციაში ხაზგასმით წარმოადგინე:

• როგორ შეიძლება შეცვალოს რიცხვის მნიშვნელობა თუ ციფრებს ადგილს შევუცვლით და რას უნდა მიექცეს ყურადღება შედარებისა და ანგარიშის დროს?(მ.წ.3.4.)

• რა ოპერაციებია საჭირო გამოანგარიშებისათვის და რაოდენობის დასადგენად და როგორ გვეხმარება სტრატეგიის შერჩევა რომ გამოთვლები ვაწარმოოთ იმის მიხედვით, თუ როგორ არის საჭირო ზუსტი თუ მიახლოებითი გამოთვლა? (მ.წ.5)

• გამოთვლების შესრულებისას საჭიროა თუ არა მოქმედებების თანმიმდევრობის დაცვა, რატომ?(მ.წ.5)

• საჭიროა, თუ არა რიცხვში ციფრების ადგილმდებარეობის მნიშვნელობის ცოდნა? (მ.წ.6)

• რა გაგიჭირდა დავალების შესრულების დროს?

შეფასება:

მოსწავლეს შეუძლია:

• რომ საგანთა ყველა კონკრეტულ რაოდენობას შეუსაბამოს კონკრეტული რიცხვი;

• დააკავშიროს რიცხვები შესაბამის სახელებსა და აღნიშვნებთან;

• რიცხვების შედარება და ანალიზი.

• რიცხვების გამოსახვა სხვადასხვა სახით, მათ შორის ციფრებით.

• ათობით პოზიციურ სისტემაში რიცხვების ჩაწერა. იცის, რომ გამოიყენება ათი ციფრი და ყველა ციფრს რიცხვის ჩაწერის პოზიციურ სისტემაში ეცვლება მნიშვნელობა მისი ადგილის ცვლილების მიხედვით.

მოსწავლეთა ნამუშევრები: